Lenovo x GUMGUMGUM　試玩巨芒Lenovo PHAB Plus送雪糕

 

揀手機，屏幕尺寸當然係重點。好多嘢唔係話愈大愈好，但大細都有人喜好，Lenovo就知道好大之人對市面上5吋幾的大機都未滿足，推出6.8吋平板手機混合體PHAB Plus。想試大機有幾好手感，可到銅鑼灣潮店GUMGUMGUM的期間限定Pop-Up Store。用呢部新機自拍玩遊戲，即可免費享受御前上茶軟雪糕，更可參加抽獎，有機會獲得Lenovo PHAB Plus。就等人氣女團Super Girl話你知現場有乜玩，呢個星期六、日行開銅鑼灣想食甜品記得入去兜個圈！

 

 

Pop-Up Store入面有兩個遊戲，第一個係玩自拍，參加者只需在店內利用道具隨意拍照，並將照片上載至Facebook或Instagram，標籤 #Lenovo及#GoPHAB，即可免費獲得御前上茶軟雪糕一杯。每日限定100杯，先到先得，送完即止。

 

開放期（10月7日至15日）完結，就會統計大家嘅PHAB Plus Groupfie，一張相入面影得最多人的參加者，就有機會獲贈一部Lenovo PHAB Plus（售價：$2,488元），Aka伸盡佢嘅長手影埋fans儲夠10個人，大家記得叫多啲朋友一齊挑戰，不過中咗獎點分就自己拆掂喇！10月16日會於Lenovo HK和GUMGUMGUM Facebook專頁公布結果。

 

另一個遊戲係用Lenovo PHAB Plus打機，店入面有排行榜，最高分數者即有機會獲得精美禮物，或限量版T-shirt一件！
 

Lenovo PHAB Plus採用6.8吋1080p屏幕，支援4G和雙卡雙待，而SIM2插槽不放sim卡的話可用作microSD卡擴充。配備S615處理器、2GB RAM、32GB內存。主相機為1300萬像素配雙LED燈、前置相機則為500萬像素。

 

其中一個賣點是採用Dolby Atmos技術，手機背面的大喇叭用上1cc音室，睇片聽歌加上6.8吋屏幕效果絕佳。另外，大芒還有大電量的優勢，電池容量為3500mAh，續航力長達24小時。售價為$2,488，如果接受到接近7吋的體積，可說是近期中價大芒機首選。