富貴紙皮屋！砌到邊住到邊！
2016-05-31
香港人最望都係儲夠首期盡快上車，不過都唔知要儲到幾時！如果呢款「紙皮屋」會唔會易上啲？「紙皮屋」其實叫Wikkelhouse，概念都係嚟自「環保」，因為係用回收番嚟嘅材料再造！
話就話係紙皮屋，但Wikkelhouse都用咗24層物料加木材製造。Wikkelhouse其實係一卡一卡咁設計，好似火車咁，每一卡嘅體積4.5 x 1.2 x 3.5米，仲可以運去唔同地方度砌，熟唔熟手都係1日就砌好！
以3「卡」計，運費連安裝就要25,000歐元，雖然唔平，但比起香港啲樓就真係平好多喇！
