兒時立心做維修員?返學應該拎定「架撐箱」
2016-05-08
小編重記得小學年代帶筆盒返學嘅日子,當年好興用好多粒掣,有齊鉛筆炮、萬字夾同擦膠盒嘅大筆盒,唔知你80後嘅朋友有冇印象呢?隨著科技發展,新事物不斷湧現,而家就連筆盒都會花啲心機設計。雖然即將為大家介紹嘅筆盒唔關於智能技術,但外型設計真係吸引到小編,最大原因可能小編細細個嘅夢想就係做個維修員!
呢個筆盒表面係用工具箱設計,以鋼板製成,拎住行成個維修員一樣,而打開盒會發現分為四個格仔,方便將文具分類擺。筆盒顏色得灰藍色畀你揀,定價6,980日元(約HK$507),日本製造!