歡迎來到Price
Price

【玩盡18區親子好去處】 ——元朗區

2018-05-16

元朗區近年發展迅速,對外交通日趨發達,算是一個古今互融的地方。大家都知道元朗是一個郊遊勝地,有很多好玩農莊及秀麗風景,最啱一家消磨一整天。不要以為元朗無好嘢食,原來亦有特色親子餐廳,好食好玩。

郊遊活動
如果想郊遊親親大自然,元朗有超多選擇,總有一個適合你。

家樂徑——家樂徑路程約半小時至兩小時就可完成,屬於一家大小無難度又風景不錯的好去處。在水壩上的行人路可以飽覽河背水塘的景色,這裏有點像天空之鏡,環境優美而且澄淨。

錦田鄉村俱樂部——設有一個全港最大、可容納2000多人的全天候天幕燒烤場。還有親親大自然的釣魚場、有機農莊、兔仔樂園,要動感一點就有War Game場,射箭場及康體活動場地等,仲有「有機士多啤梨自摘園」添!有動物,有嘢玩,有得跑,有得食,又易去!

448農莊——完全沒有商業味的農莊,而且不單入內玩,更加學識甚麼叫做「魚菜共生」,$30玩一日(某些遊戲設施需另外收費),$50仲可以參加埋導賞真係有得玩又學到嘢!備有少量滑梯、電動車等兒童玩樂設備,旨在增加小朋友的專注力。

米埔自然保護區——慢慢跟住導賞行,唔一定沿路好多嘢睇,但係可以感受到個種唔急唔趕同大自然之美,享受親子樂的時光。成個環境很舒服、很簡樸,影下相都幾好看!

南生圍——南生圍最出名就是條木橋,雖然之前俾人毁咗,但附近仲有好多影相位,例如行去爛屋的一條路上有好高好高嘅草,有小朋友一定要俾佢哋入去玩吓,堆草仲高過大人,小朋友會覺得好似個迷宮咁!成個環境有雀有草地有樹林有長草有破屋有艇仔有士多茶座,超自然!

洲頭村傳統圍村小食工作坊——可以學習打井水、親手製作砵仔糕,是一樣很傳統和原始的活動,雖然是傳統的玩意,但活動也豐富不悶場,又有得食有得玩。

大棠荔枝山莊——有多個有蓋或露天戶外活動場地,植物教育徑,BBQ 燒烤場燒烤,horse riding 騎馬場,踩單車場,繩網,鴕鳥園,都可以玩番半日!

紅磚屋——前身是一間蠟燭廠,整個跳蚤市場就是紅磚砌成,都幾有特色。裏面很有異國風情,有很多不同風格的店舖,也有茶座,感覺很優閒,一家入去行下、食個tea都幾好。

錦上路跳蚤市場——有近160個檔位售賣林林總總的貨物,有健康食品、家居用品、衣飾、盆栽等,仲有好多得意嘢;花點時間發掘,絕對可以滿載而歸。值得一讚是,跳蚤市場用了全新的日本組合屋代替地攤,防風防雨和隔熱,購物時舒適自在。

香港青年協會有機農莊——設施齊備,包括:有機菜田、大型有機種植棚、四季花圃、示範田、熱情果棚長廊、魚池、堆肥池、再生環保能源 、洗手間、停車場等,可以入去嘆杯茶休息吓。

室外遊樂場
小朋友最喜歡跑跑跳跳,到遊樂場玩就啱!曬下太陽吸收下維他命D。

元朗公園——依山而建,遍佈 800 多棵樹木。公園除設有草坪、園景花園外,亦設卵石路步行徑、草地門球場、兒童遊樂場、足球場等康樂設施,可謂老少咸宜。元朗公園設一座 30 米高的百鳥塔,各位可在其中近距離欣賞雀鳥,又或到高層的眺望台,眺望元朗或天水圍,也是一樁賞心樂事。

龍園——設計佈局以江南園林為藍本,適合到來 休閒放鬆。地方不算大,規模比不上九龍寨城公園、荔枝角公園,又或南蓮園池等,但是這裏人小,環境還真的很舒服! 若行程配合其他景點也是一個不錯的選擇。

室内遊樂場
天氣太冷或是太熱的時候,帶細蚊仔去室内遊樂場放電都不錯架,以下這個遊樂場都幾新淨添!

元朗體育館兒童遊戲室——遊戲室以糖果設計為主題,當中亦加入咗唔小元朗特色嘅元素: 包括輕鐵,祠堂,元朗百鳥塔等都變身成Q版可愛嘅圖像,令大家可以了解元朗多一點。

特色餐廳
唐Tong’s Road House Seafood + Grill——設計意念源自歐美漁人碼頭,讓客人以不同方式體驗傳統的漁港,以供應最新鮮食材為本。重點推介海鮮市場內的海產是採用來自世界各地最時令的種類,每日新觧空運到港。「唐」室外設有一個大花園,有多種供小朋友玩樂的設施,如Kids corner、鞦韆等,品嚐美食之餘也讓大小朋友共渡天倫親子樂。

老馮茶居 Old Fung Tea House——整間店嘅懷舊布置,由大環境到小裝飾都做到足,可以話係一個小型博物館。食客抬頭就見到牆身裝修到好似個舊式屋邨咁,勁有細個屋邨走廊feel。食物方面就沒太大驚喜,不過在這環境下嘆茶都好有風味!

-----

更多升學教育、育兒資訊及親子熱話,即Like Oh爸媽Facebook專頁

更多相關文章:

【保良局陳守仁小學】種粟米實踐STEM 全校學攀石
【全港22個嬉水池全面睇】 邊個池最多滑水梯?
【假日攻略】12大免費泊車親子好去處
【有種成功叫失敗】名人專訪 - 亞斯理衞理小學校長

 

  • Facebook 留言
訊息中心

此項目已被移除。