多一個理由用 Nintendo Switch Online 雲端存檔備份過期都會幫你Save半年
2019-02-12
雖然係 9 月 19日開始就要收費先可以進行網上對戰，但係《Overcooked 2》熱潮過咗之後， Nintendo Switch 玩家似乎又無乜逼切既需求去申請個 Online 服務。當然我地之前都有介紹過「Nintendo Switch Online」服務其實仲有好多功能，當中雲端儲存遊戲存檔呢個服務絕對係重點之一，因為此功能係 Switch 現時唯一可備份存檔既方法。而根據外媒 IGN 報導，任天堂官方正式確認此服務即使玩家既「Nintendo Switch Online」使用期限過咗，備份既資料仍然會保留 180 日。
Nintendo Switch 由 9 月 19日起，必需比錢加入「Nintendo Switch Online」先可以使用佢地既網絡服務，此服務包括：可與朋友進行遊戲連線對戰、共同遊玩功能、紅白機懷舊遊戲下載服務、雲端儲存遊戲存檔、Smart Phone App 語音通訊 、加入者限定特典五大功能（詳見）。
當中由於雲端儲存遊戲存檔係 Switch 現時唯一可備份存檔既方法，可以有效避免壞機時被洗 Save 之痛楚。但係由於此服務有好多令玩家不滿既既地方，例如點解部份任天堂自己推出既遊戲唔支援此服務、之前宣稱使用期限過後玩家存檔將不獲保留等等，而早前外媒 IGN 向任天堂查詢終於得到答覆。
任天堂回應指因為《Splatoon 2》、《Pokemon Let’s Go！比卡超 / 伊貝》呢類遊戲唔支援雲端存檔備份，係因為怕玩家利用此功能讀取舊存檔，就可以拎返本身已被交易既道具，又或者用黎刷多人對戰戰績等公平性問題，而大多數既遊戲都支援雲端存檔備份功能的，大家可以放心。
至於雲端存檔備份到期後存檔將不獲保留呢點，任天堂正式確認玩家使用期限過咗之後將無法存取雲端備份存檔，但係資料仍然會保留 180 天，只要玩家係呢 180 日內續返「Nintendo Switch Online」服務，就可以重新存取。
