歡迎來到Price
  • 立即登入
  • 免費註冊
    沒有任何瀏覽紀錄。
  • 沒有項目比較紀錄。
  • 商戶分類
  • 情報
  • 二手
  • 網購
  • 商戶中心
Price

【裝修佬專欄】正確使用抽濕機5個重點

2019-04-12

就算唔係春天,香港人好多時都要用抽濕機乾衣,或者避免室內積聚過多濕氣引致各種疾病。抽濕機一般可以用5年,如果想用多過5年?就要睇你識唔識保養喇。裝修佬準備咗幾個抽濕機貼士比大家,去文啦!

1.    應該關好門窗

開著抽濕機嘅時候,應盡量令室內維持在一個「密封」 (關閉門窗) 狀態,避免外來濕氣湧入,影響抽濕效果。咁樣就可以令到抽濕機發揮其功能,也可以做到保護抽濕機嘅效果。

2.    確保散熱空間

擺放位置其實沒有最好,但應盡量放於平穩嘅地方,以防盛水器漏水。另外,建議抽濕機同牆壁、傢具保持一定距離,確保機器有足夠空間散熱。還有,唔好阻住抽濕機嘅濕度感應器、出風、吸風位,避免影響抽濕機運作。

3.    唔好用拖板

抽濕機係耗電量較大嘅家電,使用時應避免用拖板。屋企無人時,也不應開抽濕機,以免發生火災。

4.    定期清洗

唔好以為抽濕機毋須清洗,其實水箱好容易滋生細菌同霉菌,所以要經常保持清潔衛生。另外,部分機款有空氣清新功能,所以要定期清洗濾網,以防止塞滿塵垢,縮減過濾網壽命。

5.    乾衣模式

好多抽濕機都有乾衣模式,原理係增加抽濕強度,製造更多乾燥、暖風以達到乾衣功能。如果唔需要乾衣,建議換返做正常抽濕模式,避免令到室內空氣過分乾燥,也是為了減輕抽濕機嘅負荷。