【遊戲感想】真香《超級機器人大戰 T》每個人喺遊戲中尋找嘅回憶都唔同
2019-04-25
遊戲界有幾個「真香」系列作品，而 Bandai 出品嘅《超級機器人大戰》以及《Gundam G Generation》相信係當中嘅表表者。於 2019 年 3 月 20 日推出嘅《機戰 T》共有 25 部作品登場，不過，如果你對遊戲裡面 25 部動畫都耳熟能詳嘅話，相信你都唔年輕了（笑）
好多朋友一向都話《機戰》係年代物，因為遊戲最大賣點，就係將多部作品人物角色、部份核心情節背景，用全新劇本串匯埋一齊，再加上機體出戰時嘅動畫畫面、以及出擊時響起每部作品嘅主題曲……有人話《機戰》賣嘅只係情懷。
槍與劍（ガン×ソード）
我又唔係太認同呢一種說法，利申，今次《機戰》作品入面我最熟悉嘅，係今次初登場嘅《魔法騎士》（作為女玩家對 CLAMP 嘅作品最熟悉都好合理吖 LOL）以及《劇場版機動戰艦撫子 -The prince of darkness-》（童年女神琉璃！），再其次就係《G 高達》《高達 Z》等高達系列。
魔法騎士（魔法騎士レイアース）佢地出場嗰下我個心好激動…
劇場版機動戰艦撫子 -The prince of darkness-（劇場版機動戦艦ナデシコ -The prince of darkness-）永久童年女神琉璃！！
我承認我見識係少的，今次《機戰 T》裡面有好多作品，我都未曾睇過原著動畫。
但係，正因如此，如果《機戰》係一個只賣情懷嘅作品，或者我唔會有耐性玩得完，畢竟作為一隻戰棋遊戲，其實今代遊戲難度、就算要拎埋 SR 點數，要通關都稱唔上係困難；不過，我都係好快手地打爆機，如果唔係要開《隻狼》大概會二周目嘗試清埋啲未拎嘅 SR 關卡，原因，正正係「情懷」。
例如我未睇過《機動戰士海盜高達（機動戦士クロスボーン・ガンダム）》
《機戰》會落《樂園追放 -Expelled from Paradise-（楽園追放 -Expelled from Paradise-）》我都幾意外
我對「機械人」嘅興趣源自於《高達 W》以及《EVANGELION》等系列，但係到底機械人動畫一路上係點樣演變出黎，《機戰》系列可以話係大觀園式嘅快速導覽團。
呀……雖然今集無《EVA》。
雖然我都明遊戲每次包含嘅作品同埋機體，無可能滿足哂所有機械人動畫愛好者嘅喜好；我亦都明白每次喺作品上加多減少作出調整，好聽就叫新意，另一種說法就係銷售商法（XD）所以玩家好多時都會話「玩埋今集唔玩」……
不過，真香，聽講《機戰 T》的銷售量還是很可觀的，加上今次（以及黎緊嘅《G-Gen》）都會登錄埋 Switch 嘅關係，相信願意掉坑的朋友還是有很多吧 w
水準穩定，依然是 Bandai Namco 看家之作的《機戰 T》。
慢慢玩完等《G-Gen》也就差不多了。
