運動訓練有咩類型? 邊樣啱自己?

 
人愈大，明明生活都冇咩大變化，但點解體重好似只會有增無減咁嘅？冇錯！人愈大，基礎代謝率都開始下降，如果咩都唔做，脂肪同肌肉量就有機會出現翻天覆地嘅變化，身體更可能會有唔同嘅毛病同投訴……

所以做人真係唔可以懶㗎，始終身體係跟自己一世，自己身體自己keep!要做啲咩先可以保持身體健康呢？

除咗「有氧運動」，例如跑步之外，成日會聽到好多五花八門嘅訓練。最常聽到嘅係「阻力訓練」、「重量訓練」同埋「肌力訓練」……究竟係啲咩嚟呢？~ 

「阻力訓練」係不論健身、減肥或者想身材線條靚啲，都不可或缺嘅運動項目。簡單啲講，佢係通過肌肉對抗外在阻力嘅方式，針對身體唔同部位進行修身雕塑，藉此拉長、延伸肌肉嘅線條，以達到鍛鍊肌肉嘅效果。佢涵蓋嘅訓練種類同範圍都好廣泛，「重量訓練」 (利用負重來鍛鍊肌肉) 都係「阻力訓練」其中嘅一種。
 
而「肌力訓練」就比較「廣義」，只要係可以增強肌力、增加肌肉量嘅運動，就已經可以視為「肌力訓練」。所以，不論係「重量訓練」定「阻力訓練」，都係屬於「肌力訓練」嘅一種。

訓練並唔係多就得。自身嘅肌耐力、復原能力等等都會影響成效。透過運動效能及營養基因測試，你就可以知道自己天生邊一樣比較強 / 弱，咁就可以更準確定立自己嘅運動計劃啦！