歡迎來到Price
  • 立即登入
  • 免費註冊
    沒有任何瀏覽紀錄。
  • 沒有項目比較紀錄。
  • 商戶分類
  • 情報
  • 二手
  • 網購
  • 商戶中心
Price

【遊戲介紹】橫向動作角色扮演 《雙子星:盛氣淩人》爽快戰鬥系統支援雙人合作

2022-03-18

今個月真係好多優質作品推出,不過因為《Elden Ring》大熱嘅關係,細廠出品就並未得到注意,今次介紹呢款遊戲《雙子星:盛氣淩人》(Young Souls)就屬於呢種。雖然係細廠出品,但係遊戲質素頗高,而且戰鬥系統做得非常唔錯,夠爽快兼有難度,建議大家收廠至 Wishlist 之後再玩。

雙子星:盛氣淩人

《雙子星:盛氣淩人》由法國開發商 1P2P Studio 製作,係一款橫向動作角色扮演遊戲,最大支援單機二人合作(不過支援共享螢幕合作)。故事講述雙胞胎 Jenn 同 Tristan 自細痛失雙親,由好心嘅科學家教授收養扶持長大。好景不常,突然出現嘅傳送門令養夫失蹤,為咗救返佢兩位主角決定穿越傳送門前往未知世界展開探索。

雙子星:盛氣淩人

戰鬥系統更接近於一般橫向動作遊戲,單人遊玩時可隨時切換操作 Jenn 或 Tristan,而且有各類型盔甲、配件、武器,亦會因應唔同武器有唔同動作。以配備劍、盾為例,主力打法係擋格架同盾反,可撥開敵人嘅招式,累績夠一定數值就會暈,呢個時後就可打出大傷害連招(有 Air Cobmo 添)。如果玩戟,攻擊距離會變得更長,配合魔法、必殺技能多種動作,玩起上黎的確好爽。

雙子星:盛氣淩人

迷宮探索以外,玩家可以返人類世界行街,喺城鎮中自由探索購買道具,甚至可以去 Gym Room 做訓練提升各種數值,亦可以去買各種改變外觀嘅衣服。遊戲現時有多達數百種可裝備物品、數十個迷宮以及超過二十種頭目,內容豐富。

雙子星:盛氣淩人

《雙子星:盛氣淩人》已於 3 月 10 日推出,對應平台為 Xbox One、PS4、Nintendo Switch 及 PC,同時已加入 Xbox Game Pass 陣容。