歡迎來到Price
  • 商戶分類
  • 情報
  • 二手
  • 網購
  • 商戶中心
  • 語言
Price

【遊戲介紹】多人回合制動作遊戲 《RESEARCH and DESTROY》考你戰略與技巧八秒內決勝

2022-04-22

回合制遊戲同動作遊戲大家都應該玩唔少,如果將兩樣野溝埋變成「回合制動作遊戲」又會係點呢?新作《RESEARCH and DESTROY》就融合咗兩類遊戲嘅特性,既有回合制遊戲嘅策略性又有動作遊戲嘅趣味,都幾得意。

RESEARCH and DESTROY

《RESEARCH and DESTROY》由 Implausible Industries 開發,係一款回合制動作遊戲,支援多人線上或線下遊玩,採用第三身視點。玩家將扮演三位科學家,一邊研究及開發新型武器及裝備,一邊使用呢啲新武器殲滅佔領地球嘅各種超自然生物。

RESEARCH and DESTROY

雖然係分類係動作遊戲,但係本作更著重於擬定策略以及角色站企位、走位。喺每個回合都會分玩家回合同敵人回合,玩家回合時每個角色都會有 8 秒行動時間,呢段時間內敵人唔會有任何動作。玩嘅嘅時間只會喺角色移動或進行攻擊時消耗,只要仲有時間就可以喺同一回合中隨意行動,直到時間倒數至 0,就會切換至敵人嘅回合。換言之,主要嘅玩法就係點樣係時限內進行最大量嘅攻擊,同時考慮回合結束時角色位置,預留時間走位,真正考策略考技術。

RESEARCH and DESTROY

玩家可操作三位科學家,當中又分為兩類。兩位著白袍嘅角色特性係可快速移動,通過存放武器減低負重將可以進一步提升速度;又或者可犧牲速度換來裝備重型武器。另一位穿著保護衣嘅角色雖然速度唔高,但係擁有高體力以及高度嘅耐火性,就算行走於火上都唔會受到傷害。

RESEARCH and DESTROY

上面講嘅係「DESTROY」嘅部份,玩家可建造學院進行研究並開發新型武器及裝備,出戰前亦可先行調查即將前往嘅地區,選擇專剋該類型魔物嘅裝備。整題流程就係透過戰鬥,使用各種新式武器及策略,逐步將世界由超自然生物嘅支配中解放。

RESEARCH and DESTROY

《RESEARCH and DESTROY》將於4 月 26 日發售,對應平台為 Xbox Series X|S、Xbox One、PS5、PS4、Nintendo Switch 及 PC Steam & Microsfot Store,支援繁體中文。