歡迎來到Price
  • 商戶分類
  • 情報
  • 二手
  • 網購
  • 商戶中心
  • 語言
Price

【遊戲介紹】解謎小品整路遊戲 《Please Fix The Road》可免費或付費遊玩全由玩家決定

2022-05-20

今次為大家介紹一隻解謎小品遊戲《Please Fix The Road》,以色彩鮮豔、簡約為主軸,玩法簡單易明,而且因為製作人自己嘅經歷,會同時推出收費版本及由佢本人推出嘅盜版,想免費玩又得,比錢又得!

《Please Fix The Road》由獨立遊戲開發者 Ariel Jurkowski 製作,係一款模擬解謎遊戲。玩法非常簡單,喺每個關卡中都預設指定及有限嘅工具,玩家要利用呢啲工具鋪設道路,將所有汽車、船、火車等等由起點送至終點。

遊戲中出現嘅道路唔一定係同一高度,有時要炸山,有時又要升起地面去製做出可鋪設道路嘅平面,基本上都係圍繞製造、破壞、旋轉、複製、交換、上升、降低等動作推動或移動道路、河流、鐵軌等等,結合唔同方法去修建道路。

由於製作人話佢明白開發遊戲嘅難處,而佢只係想更多人玩到佢嘅遊戲,亦都明白到無論點都會有盜版,所以佢就決定自己出埋官方盜版,特別係佢明白自己細個都玩過盜版。當然,要比錢正式版本同盜版係會有若干分別,例於開頭會有海盜題曲、介紹序列更改、用海盜樣代替齒輪圖示以及並唔會有後續更新等等,但係遊戲內容仍然係同正式版一樣。

《Please Fix The Road》將於今年 6 月推出,對應平台為 PC Steam、GOG 及 itch.io,另外會同步放出官方盜版 BT 種子,支援繁體中文。