隨插即用 高階迷你電腦｜ASUS Mini PC PN64｜Intel 12代i7處理器｜廣東話｜特約專題【Price.com.hk產品評測】

之前和大家介紹過ASUS兩部Size非常迷你Mini PC，如果不是玩3A大作、用來執Raw檔相片 或者剪4K片的話，今時今日的 mini PC已經滿足到好多人的要求，如果想規格再高少少、有穩定效能表現。ASUS 這部最新推出的 PN64，不單止係硬件上面有所升級，還支援 USB Power Delivery能夠駁Type C線為不同電子裝置取電 。帶住佢屋企、公司兩邊用都得！至於詳細規格、效能如何？立即同大家試下！

PN64是ASUS 首款採用UCFF (Ultra-compact form-factor) 設計的產品。外形同 Intel NUC 好相似，體積只有 120 x 130 x 58 mm，重量就大約1kg比市面常見嘅Ultrabook重少少，但總算可以放到入袋，帶出街都唔算好麻煩。此外隨機都會附有原廠Keyboard同Mouse！

作為一部結構緊密嘅迷你電腦，好多人都會擔心散熱問題。而廠方亦為這電腦加入不少散熱配置。包括：新嘅散熱管道同鋁製嘅heatsink散熱器，另機側同機背部亦置有散熱位配合新嘅智能風扇系統，可選擇Performance高效或Quiet靜音模式，前者可以令電腦達致最好嘅散熱效果。

規格上屬於Expert Center系列嘅PN64定位係商務機，對系統同效能都要保持一定穩定。所以喺處理器同RAM亦分別用上 Intel 第12代 H 系列12th Gen Intel® Core™ 以及 DDR5-4800 RAM。官方表示相比上代嘅 i7 (11370H) 型號，使用新一代 i7 嘅PN64整體效能提升28%

另外，新機亦配置最新 PCIe 4.0 規格、讀取速度高達 8GB/s 嘅 M.2 SSD 插槽同埋一個 SATA 6Gb/s 接口。而其他升級有，支援WiFi 6E 接收、2.5 Gbps LAN頭、藍牙5.2以及具備 PD 1.4 快充功能嘅 USB C 接口等等都係目前中高階電腦常見嘅設備。

連接方面，PN64前後有3組USB 3.2、2組USB-C 3.2、2組HDMI 2.0、1組3.5mm Audio Jack、一個Display Port同埋頭先提過嘅 2.5 Gbps RJ45接口都夠齊全，尤其是顯示介面再加USB C透過內置 Intel Iris Xe 顯示做到4部4K芒同時輸出又或者1部8K芒輸出。

至於軟件部分，呢部機預載《Windows 11》以及自家《MyASUS》應用工具提供 Smart Fan Control、系統診斷以及雙向 AI 降噪功能，能夠消除背景噪音，確保用家開會的時侯有清晰的收音。介紹完 ASUS 最新 Mini PC 賣點、配置，實際效能又係點呢？我地搵來配置 Intel Core  i7-12700H、16GB DDR5 記憶體同埋1TB PCIe SSD 嘅電腦分別執行《Geekbench 5》同《CrystalDiskMark 8》單核同埋多核分數有1715分同埋10031分！而SSD嘅讀寫速度就分別有3606MB/s同埋3508MB/s 整體效能同速度係點呢?

我地亦打開4個《Edge》瀏覽器，收睇3段4K YouTube片同喺Google Doc編輯文件分別只係佔用12%處理器資源同埋50%記憶體。實際操作上，電腦都未有出現lag機情況。我地喺測試嘅時候，都有用測溫槍去量度機身溫度。而喺最熱嘅機底位置，都只係得 30.6度
唔會對電腦運作有太大影響。

之前試過 ASUS 幾部 Mini PC，佢地嘅整體效能同運作都已經比唔少文書電腦好。而今次呢部 PN64 除咗規格更高有穩定嘅機能。甚至可以簡單執相之外佢支援 USB C 供電。如果有Type C芒嘅話就可以直接駁芒開機，做到即插即用，比起一般電腦方便好多！