歡迎來到Price
  • 立即登入
  • 免費註冊
    沒有任何瀏覽紀錄。
  • 沒有項目比較紀錄。
  • 商戶分類
  • 情報
  • 二手
  • 網購
  • 商戶中心
Price

【遊戲介紹】日系少女手動塔防 《溶鉄のマルフーシャ》節奏快考技術極度好評登上主機

2022-09-18

之前介紹過嘅獨立遊戲《溶鉄のマルフーシャ》喺 Steam 推出接近一年,仍有超過九成玩家給予「極度好評」評價,親身玩過感覺水準絕對唔曳,將塔防同射擊元素溝埋一齊。之前之有 PC 版本,日前官方宣佈將會推出主機版,正!

溶鉄のマルフーシャ

《溶鉄のマルフーシャ》由日本開發者 hinyari9 獨力製作,分類係平面動作射擊遊戲,不過整體更接近「需要手動瞄準殺敵嘅塔防遊戲」。遊戲背景係一個反烏托邦世界,國家因為同時面臨人手短缺及敵人來襲,所以徵召一眾少女防守國家大門,仲要喺你人工扣錢交重稅,淨低嘅錢就用黎買裝備強化角色。

溶鉄のマルフーシャ

遊戲同一般塔防差唔多,都係要頂住一波波嘅敵人,目標係於 40 天服役期間生存,分別只係本作玩家需要手動控制準星擊落敵人。遊戲節奏快速,每波戰鬥大約只係 15 秒左右,當每波戰鬥完結就會因應結果得到相應工資,並且得到三張隨機強化卡片,玩家再由三張卡入面以工資購買其中一張。暫時已知嘅卡片有阻礙敵人前進嘅路障卡、新武器卡、增加英雄同伴嘅輔助卡、機會卡等等。

溶鉄のマルフーシャ

上面提及玩家會有機會得到同伴輔助卡,得到該同伴後就會喺宿舍等地方出現,並可以同佢地交流(宿舍有提升角色能力嘅功能,似乎有育成元素)。而呢啲同伴並唔單單係「移動炮台」咁簡單,作者有為佢地各人賦予相關嘅性格及背景,例如 Strelka 係一名迫入伍嘅婦女,但由於成績差而被派往前線;Alibina 為咗掩飾自己出身而染髮,係一位精力旺盛嘅突擊兵等等,暫時已知會有七位唔同性格嘅同伴出現。

溶鉄のマルフーシャ

《溶鉄のマルフーシャ》PC Steam 版已經推出,Xbox One、PS4、PS5 及 Nintendo Switch 版本則預定於今年冬季推出。