【亂過馬路影你相】武漢路口設置「過馬路神器」

無論咩地方，都會出現過馬路衝紅燈嘅人。而內地近幾年正大力宣傳文明社會嘅概念，其中就過馬路呢一點，湖北武漢就推出咗「過馬路神器」，希望可以減少亂過馬路嘅情況。

「過馬路神器」設置於馬路口，形似一個普通大型電子廣告牌，中間有一個巨大螢光幕，左右方皆有一個攝影機對準馬路，當有人企圖衝紅燈瞬間，就會被人影低大頭照，並顯示於大型螢光幕上。

 

其實呢款「神器」，深圳、上海、四川等地都已經啟用，不過據聞呢個「神器」作用不大，好多市民都係照樣地「馬路照亂過、紅燈照亂衝」，需要義工拉長繩幫手勸阻。