玩自製雪糕，其中最重要的步驟，就是要製成品放入雪櫃，然後耐心等待。不過，海爾於日本推出的小型家用雪糕機 Ice Deli，內置冷凍功能，完成攪拌之後就即刻有得食。

雖然海爾是國內品牌，不過 Ice Deli 卻特別為日本市場而推出，若然玩蒙眼測試，的確好難估到 Ice Deli 是出自海爾手筆。而操作上，Ice Deli 亦極度簡單，只要將材料倒入 700 毫升大的攪拌容器，然後再選擇想要雪糕或軟雪糕，Ice Deli 就會自動進行攪拌，並同時啟動冷凍功能，攪拌約 40 至 120 分鐘後，就可以即時享用新鮮雪糕。由於採用靜音冷凍設計，所以可將材料保持低溫之餘，亦不怕有擾人嘈音。

如果想更多玩法，Ice Deli 亦有高階版 Ice Deli Plus（上圖右），外形跟 Ice Deli 大同小異，但就設有六段溫度調校，當然售價亦比 Ice Deli 稍貴。

 

售價：
16,800 日元（Ice Deli）
19,800 日元（Ice Deli Plus）