【診所快速測試】幾分鐘就知有冇中流感
2017-07-25
近期香港流感情況十分嚴重,尤其小童更是染病高危人士。
有醫院床位佔用率爆標水平達125%,就連特敏福也出現缺斷貨情況,日前WhatsApp更廣傳呼籲不要帶小朋友出街,令家長人心惶惶…
如果懷疑自己或小朋友染上流感的話,好多家長都會有疑問:係咪一定要去醫院睇急症呢?不過,去醫院睇急症由輪侯、診症、測試到等待結果,時間可能需時8至12小時。而且小朋友抵抗力低,出入醫院此類高危染病的地方,最好都係可免則免。
其實好多診所已經提供新型的流感快速測試,只需幾分鐘便可以確診。
雖然診所提供的流感快速測試一般收費數百至千元,但好處是可以及早知道結果,讓病者盡早知道病況,若真的感染流感都可以及早把握用藥時間,以免病情擴大、甚至出現併發症等情況。