【遊戲新聞】超級經典新作今年登場 《泡泡龍 4》元祖玩法強勢現身 NS

大家細個一定玩過嘅經典動作遊戲《泡泡龍》，雖然久唔久都會出返一隻系列作，不過就唔係話好受到玩家追捧。但係黎緊年尾就會推出一隻名字語帶雙關嘅最新作《泡泡龍 4 朋友》  （Bubble Bobble 4 for Friends），到底佢想話係第四代，定係 For Friends 就不得而知，淨係知到佢用返元祖玩法，即係話大家又可以瘋狂踩泡泡啦！

早前 Taito 正式對外宣佈即將推出經典泡泡龍系列新作《泡泡龍 4 朋友》 ，仍然係平面動作遊戲，不過角色及怪物都係立體模組，畫面上符合現世代水平。而今作最大改動就係可供四人同時遊玩，到時個畫面應該係亂到嘔，真係諗起都興奮！

《泡泡龍 4 朋友》預計於 2019 年 11 月 19 日先喺歐洲地區發售，然後 2020 年初於北美地區發售，其他地區則有待公布，遊戲由 Nintendo Switch 獨佔。