歡迎來到Price
  • 商戶分類
  • 情報
  • 二手
  • 網購
  • 商戶中心
  • 語言
Price

成日肚痛?你可以能有腸敏感

2021-06-14

成日肚痛?你可以能有腸敏感

有冇試過約朋友同事聚會食飯,容易肚痛腹瀉?行街睇戲果陣突然有便意、要周圍搵廁所?會有多妨礙工作社交?如果你成日都肚痛 / 肚屙,但驗過晒腸胃都搵唔到原因,咁可能係因為一個慢性疾病「腸敏感」作怪啦!

「腸敏感」又叫做「腸易激綜合症」,根據國際診斷標準「羅馬第四標準」(Rome IV Criteria),腸易激綜合症界定為3個月內每星期至少有一天反覆腹痛,同時會有腹痛和排便問題,以及大便次數同形狀有改變。

成日肚痛?你可以能有腸敏感 
所以如果你經常肚痛、肚屙之外,仲會腹脹、便秘覺得排便不清咁,而且大便唔正常,例如:過硬 / 呈水狀 / 帶有黏液……呢啲症狀如果好頻密嘅話,你就好可能有腸易激綜合症啦!

同腸胃炎唔同嘅係,有醫生形容佢係一種良性疾病,因為腸敏感患者嘅腸道結構可以冇任何異常、發炎、潰瘍或者腫瘤。只係腸臟功能失調 / 腸道過敏,引致腸道蠕動失常,所以唔會引起併發症,更為唔會增加患癌風險。

雖然腸易激綜合症並不能治癒,但係都唔會危及生命。不過呢種疾病都一定程度影響住日常生活。生活不便而帶嚟嘅心煩憂鬱,更可能進一步損害精神健康。

觸發「腸敏感」嘅原因尚未明確。暫時係醫學角度認為,呢種問題同個人生活方式有關。例如飲食習慣、壓力、情緒等等。所以醫生一般都會建議患者從飲食習慣方面多留意同埋評估。例如做一做慢性食物敏感測試,檢查一下有咩食物對自己係高風險嘅致敏源,咁就可以食啲啱自己嘅食物,減輕「腸敏感」。
 

-----

此文章由 22PLUS 提供

想早一步接收最新健康資訊,請click 22PLUS Facebook 專頁!