歡迎來到Price
  • 商戶分類
  • 情報
  • 二手
  • 網購
  • 商戶中心
  • 語言
Price

小心毛公仔成為塵蟎溫床!| 6大清洗方法 | 防敏教學

2021-07-13

小心毛公仔成為塵蟎溫床!| 6大清洗方法 | 防敏教學

好多人屋企都會有毛公仔,不論係大人定係細路,好多都鍾意攬住佢哋。但係好多人都忽略左公仔嘅清潔,台灣就有一個小朋友,佢嘅面部濕疹反覆發作。經醫生了解之後,罪魁禍首原來就係由細攬到大嘅公仔!!!其實毛公仔呢啲布織品,會殘留汗水、身體皮脂、皮屑,容易成為細菌、塵蟎滋生嘅溫床。所以毛公仔一定要定期清洗,但係究竟要點樣清洗先啱呢?

首先你要拆走機械部分,再檢查公仔係屬於乜嘢質地,例如長毛、短毛、布質同皮革。不同質地有不同嘅清洗方法,以長毛同短毛公仔為例:

1. 洗衣液手洗

先準備一個大水盆,然後加入洗衣液或者洗衣粉,再倒入凍水搞至起泡,之後就可以將公仔放入水盆慢慢搓洗。最後將污水倒去,再用清水重覆搓洗。

2. 洗衣機機洗

記得先將公仔放入洗衣袋,再放入洗衣機,咁就可以避免刮花洗衣機。放入洗衣袋之後,依照一般洗衣程序就可以。

3. 粗鹽手洗

先準備一個可以放入公仔而又乾淨嘅膠袋,一條橡筋,同一包粗鹽。將成包粗鹽倒入膠袋中,再將毛公仔放入,最後用橡筋將膠袋開口位封實。之後就可以開始上下左右搖動膠袋,等粗鹽滲入毛毛入面,將塵埃帶走。搖動五分鐘後,就可以打開膠袋,拎出毛公仔,再用手慢慢掃走表面嘅粗鹽。

4. 爽身粉手洗

如果公仔因為濕氣而痴住污塵,又或者毛毛變得一舊舊,可以用爽身粉清潔公仔。先準備爽身粉一樽,膠袋一個,除塵刷或者牙刷一支。將公仔放入膠袋,然後撒上爽身粉,再用手輕輕拍打公仔,或者用刷係公仔表面上刷洗。全面刷洗後,就可以用手拍走公仔上嘅爽身粉~

5. 梳打粉手洗

如果公仔有油漬、原子筆漬,口水漬等等嘅污漬,可以利用梳打粉作為天然清潔劑同漂白劑,去除污漬。只需準備抹布同少量梳打粉,將抹布濕水,然後痴上梳打粉,係公仔表面打圈就可以去除污漬~

6. 高溫蒸汽機洗公仔

市面上有一啲高溫蒸汽機,可以來回係毛公仔身上噴出100度的高溫蒸汽,殺死公仔上嘅塵蟎,同時消毒殺菌。

 

記住定期幫公仔清潔啦,因為公仔在上面嘅塵埃、塵蟎呢啲致敏源,都會容易令到你起敏感。如果想知道自己對呢啲致敏源嘅敏感程度,就嚟22PLUS做下全方位致敏源測試啦~

-----

此文章由 22PLUS 提供

想早一步接收最新健康資訊,請click 22PLUS Facebook 專頁!