歡迎來到Price
  • 商戶分類
  • 情報
  • 二手
  • 網購
  • 商戶中心
  • 語言
Price

【遊戲介紹】用盡一切手段逃獄 《動物迷城》坐冤獄與律師裡應外合自救

2021-11-26

以越獄為主軸嘅遊戲本身就唔太多(對上一隻玩嘅係《A Way Out》),喺獄中使用各種手段,有多種逃獄路線嘅玩法就更少。今次為大家介紹嘅獨立遊戲《動物迷城》就有晒以上特點,製作團隊更表明因為玩法眾多,每個玩家都會有自己嘅逃獄戲碼,感覺幾唔錯。

動物迷城

《動物迷城》由獨立團隊 Metal Head Games 開發,係一款策略角色扮演遊戲。故事主要舞台設定於一座守備森嚴嘅監獄,玩家將扮演一位被陷害嘅記者,喺呢座監獄入面坐冤獄,並努力喺監獄中生存同時收集證據,與律師摯友裡應外合,以之拯救自己及整座城市。根據官方訊息,呢個只係其中一個故事,之後仲會推出更多可扮演角色,每個角色都會擁有自己嘅故事。

動物迷城

雖然呢隻係一款逃獄遊戲,但當中包含生存、探索、成長、逃脫等要素,玩家喺獄中可以乖乖地做個模範囚犯;亦可以專搞破壞惹事生非;可以做獨行俠亦可以周旋於各個勢力間,透過交流收集各種情報。另外要逃獄自然要了解每個場景,由洗衣房到醫務室,下水道到停車場等等,每寸土地都係逃獄計劃重要嘅一環,而且透過日常所學習到嘅技能,偷偷收集嘅裝備同工具都係前往自由之路必需之物。

動物迷城

《動物迷城》尚未有正式發售日期以及對應平台,不過已經喺 Steam 開設商店頁面,有興趣嘅玩家不妨先將之加入 Wishlist,對應繁體中文。

動物迷城