歡迎來到Price
  • 商戶分類
  • 情報
  • 二手
  • 網購
  • 商戶中心
  • 語言
Price

【遊戲介紹】打機學返一技傍身 《Electrician Simulator》駁電裝插座維修電器乜都有

2022-01-14

近年多人移民,臨走前學返啲家居簡單維修係非常重要,就算唔打算走學返一技傍身都無壞。《Electrician Simulator》係一款扮演電工嘅模擬遊戲,從中可以學到大量同「電」相關嘅知識,寓遊戲於學習,好鬼有意義!

《Electrician Simulator》由 Take IT Studio 開發,係一款扮演電工師傅嘅模擬遊戲,採用第一身視點。玩家將扮演一位想繼承爸爸電工師傅衣砵嘅年青人,用少量資金以及爸爸教嘅嘅基礎知識成立自己嘅工作室,踏上創業之路。

透過工作室嘅電腦接取工作訂單、購買工具。前期嘅工作都係維修燈制、安裝插座、拉電視接駁光管、電燈等簡單工作,但都要細心留意電力走向、走線等程序,而且需要上門工作,所以喺出發前要先準備好所需工具。有時亦會收到維修遊戲機手制、血壓計等訂單,呢類工作只需要喺工作室內進行就可以。維修過程會分為兩部分,拆解所有零件後測試出問題嘅零件,修理後再砌返原狀,簡單得黎每個工序都盡量還原現實,做得幾好。 

訂單完成後會獲得相關經驗值及金錢,升級後會增加知名度令訂單變多,資金變多後可以買入更高規格嘅工具、設備,或者搬到空間更大更豪華嘅工作室,令到可接工作類型增加,而且難度耗時亦都唔需要太多,唔會話要肝到好辛苦咁。

 

《Electrician Simulator》將於近期推出,對應平台為 PC Steam。現時有得到「極度好評」評價嘅免費序章提供,可以試完先算。