歡迎來到Price
  • 商戶分類
  • 情報
  • 二手
  • 網購
  • 商戶中心
  • 語言
Price

【遊戲介紹】回合制戰術策略新作 《Hard West 2》擺脫節奏緩慢刻板印象公測開放中

2022-05-13

最近兩年 Keep 住有非大廠出品,玩西部風格同時質素極佳嘅遊戲,例如之前我哋介紹過嘅即時戰術遊戲 《Desperado 3》、動作角色扮演遊戲《Weird West 詭野西部》。今次介紹嘅新作《Hard West 2》同樣係玩西部,不過就玩回合制戰術策略,同樣有趣。

Hard West 2

《Hard West 2》由獨立遊戲團隊 Ice Cold Games 開發,係一款回合制戰術策略角色扮演遊戲。玩家將扮演悍匪 Gin Carter,帶領一班擁有特殊能力嘅同伴,諗住打劫傳說中嘅幽靈列車,當佢哋上車之後先發現架火車原來真係由惡魔所控制。與惡魔對決後,主角們落敗並被奪走靈魂,逃離後決定重組隊伍並踏上奪回自己嘅靈魂旅途。

Hard West 2

遊戲主要玩法類似《XCOM》、《Gears Tactics》,每位角色會有三個行動點數,移動、攻擊、施展技能、道具等都會消耗相應點數,當所有角色耗盡點數後到敵方回合。為咗增加策略性,製作團隊加入「Bravado」機制,只要達成「擊殺」就會回復所有行動點數,運用得好的話理論上係可以無限行動,而且試玩時無意中發現「擊殺」隊友亦會發動「Bravado」,亦即係必要時可以靠殺隊友延續行動,策略性大增(特別係只要喺自己回合就可以任意切換角色)。

Hard West 2

除咗「Bravado」機制,每位角色都有獨特技能,例如主角識「穿牆射擊」、女巫可以同視線內任一敵人互換位置。遊戲中每次攻擊都會因應敵方位置、有否低頭進入掩體去計算命中率,對掩體後嘅敵人可留意附近有無金屬物件,有的話就可以用「跳彈」反射子彈攻擊敵人,不過要注意敵人同樣識玩「跳彈」,所以回合完結前要注意角色走位。

Hard West 2

一般回合制遊戲都會令人有種「節奏慢」嘅感覺,喺《Hard West 2》中則加入動態關卡設計,以第一關為例,主角們騎馬接近高速移動中嘅火車,上車後火車仍然會繼續高速移動,中途更會有增援敵人高速接近。由於場景持續變化,就算係回合制都唔會因為畫面靜態而覺得「好慢」。另外,戰鬥以外亦會有普通 RPG 般探索部份,有機會得到各種武器、道具,亦會推進劇情。

Hard West 2

探索或戰鬥中有機會得到「卡牌」,安裝唔同嘅卡牌會增加速度、命中率等被動能力,集齊特定牌型後更會解鎖特殊能力,而卡牌係每位角色分開計算的,亦即係每位玩家都可以有唔同玩法,即使係用緊同一角色,幾有趣。

Hard West 2

《Hard West 2》預計於 2022 年內推出,對應平台為 PC Steam,目前正進行公開測試,只要按申請即可下載。今次嘅公開測試主要係單人戰役,主要係比玩家了解遊戲玩法,支援殘中。