歡迎來到Price
  • 最新情報
  • 二手買賣
  • 限時購
  • 商戶中心
  • 語言
Price

【歐陸嘉年華】價格下調更抵玩 易玩攤位逐個捉

2016-12-19

一年一度舉辦的「友邦歐陸嘉年華」又嚟啦,相比起前年,今年友邦歐陸嘉年華只舉行59天!雖然相比起以往日子少咗,但主辦方承認上年機動遊戲價格的確訂得較高,今年整體嚟講機動遊戲都下調25%左右,$30至$60就可以玩到一個機動遊戲。

友邦歐陸嘉年華更著重親子體驗,大部分機動遊戲都係「輕量級」,小朋友一定可以放足全日電!嘉年華行政總裁就最鍾意玩碰碰車,一家人每人一架又得,小朋友太細過未踩到油門同爸爸媽媽一架又得,追住自己屋企人撞都十分過隱。

 

除左機動遊戲之外,仲有溜冰同埋充氣彈床,率先試玩當日都排曬長龍,好受小朋友歡迎。

溜冰場20分鐘收費$60,要輔助滑行工具就再另外收費。

值得一提嘅係今年佢地以RFID咭取代傳統代幣,令遊客玩得更有效率,大家可以隨時充值不停玩!電子代幣依然係$10蚊一個,而全部攤位遊戲都係$20蚊玩一次,所以想贏公仔就要簡d易玩嘅入手!

易玩攤位推介(根據難易度排列)

1.保齡球

有4次機會比大家擊倒保齡球樽,獎品根據玩家消耗幾球嚟完成遊戲而定,不過佢地有個古惑位,就係最後一排木樽非常接近木板,唔夠力就會令個樽挨住木板整唔跌!所以大家記得大大力炸落去,全場最易贏呢個架啦,加油啊!

2.別有洞天

有4球機會,每個洞上面都有分數,達100分或以上就已經有獎!運氣話嚟就嚟,有幾個洞係直接100分達標,運氣唔好都唔太難,都有唔少50分同20分!只要比少少心機瞄一瞄準先碌,大眼仔同毛毛就跟你返屋企架啦。

3.牛奶樽

4球只要入一球就有細獎,大家盡量採用輕力高拋戰術,玩呢個遊戲隻手特別容易過界!所以大家要小心,唔係入左都唔計數,要細力,細力同細力,很重要所以要說三次。

最具挑戰性攤位

足球

踢四次如果入到任何一個洞都有獎,小編試玩果陣亂踢都中過2次大獎(黃色),但比錢果陣就乜都踢唔中!不過事實證明係可以贏嘅,我仲要冇踢開波添,大獎個公仔仲要係超巨型,攬住佢一定全場注目。

最伏攤位

圈汽水樽

呢個比較特別係因為圈中一個就係大獎,黃色樽特獎,所以收費都有D唔同:2個代幣(10個圈)/5個代幣(一桶圈)!但唔好以為一桶咁多個就實冇死,話說小編上年免費試玩左5桶都冇中過,不過運氣呢家野就好睇人嘅,想博一博即管嚟。

友邦歐陸嘉年華

日期:2016年12月16日 - 2017年2月12日 11am-11pm

地點:香港中環海濱活動空間   

門票:嘉年華門票最低35元(不包代幣); 成人門票港幣125元(包10個代幣),3至11歲的小童、長者及殘疾人門票港幣90元(包7個代幣);3歲以下小童及65歲或以上長者免費。

網址:http://www.tgec.asia/

-----

 
 

原文連結:【歐陸嘉年華】價格下調更抵玩 易玩攤位逐個捉
文章來源:親子頭條

 

  • Facebook 留言