歡迎來到Price

換邊部手機, 爭奪網絡紅人呢個寶座?

2017-09-14

唔好以為買新手機一定要大出血買最貴嗰幾款,規格同功能先迎合到呢個人人都係 KOL、飯可以唔食但 like 唔可以唔呃既年代。其實呢期有部分新款旗艦手機,CP 值更有驚喜。例如近排好多人講緊既 NOKIA 8 就加入咗大量規格同功能,專為一班鍾意拍嘢同分享既網友而設。最重要係定價非常親民,性價比超高。講多無謂,即刻試用呢部 NOKIA 8 變身勁爆 KOL!

首創 Facebook / YouTube 雙向拍攝直播

人人都開 live,唔通人人都開到雙向同步 live 咩!NOKIA 8 呢部新機最好玩在於真係了解我地呢班鍾意拍嘢既用家需要。例如加入全球首創雙向拍攝(Dual-Sight)直播功能,支援喺 Facebook 同 YouTube 前後鏡頭同步直播。

同時啟動前後鏡頭拍攝,螢幕上下兩邊顯示前後鏡頭拍攝既照片或影片,再同步直播上社交平台。等你既粉絲可以同時見到你揸機時既靚樣,同埋你眼前見到既靚景,呃 like 效果倍增。小編試用 NOKIA 8 呢個全球首創雙向拍攝直播功能同步喺 FB 同 YouTube 開 Live 玩直播,無論自己定觀眾都覺得好有新鮮感!

 

1,300 萬像素蔡司光學認證雙鏡頭

NOKIA 8 另一特點係配備蔡司雙鏡頭:一個係 1,300 萬像素 f/2.0 光圈、支援 OIS 光學防震既彩色鏡頭;另一個就係同樣有 1,300 萬像素既黑白鏡頭,組合成依家最 hit 既雙鏡頭設計。仲有好多唔同玩法,除咗可以獨立拍攝彩色或黑白相之外,仲可以結合雙鏡拍攝更高質素相片。

呢個 1,300 萬像素 f/2.0光圈蔡司雙鏡頭不愧係世界知名既光學品牌,小編試過之後認為相色彩飽和度好高,畫面亦夠哂 sharp,就算喺低光環境拍攝都可將雜訊盡量減少,隨手影張相出黎都有專業級水準。

原生 Android 系統

好多人都試過裝得多 Apps 用耐左,甚至影相拍片時部機反應慢得可憐,本來開心 share 既興致一掃而空。NOKIA 堅持預載原生 Android 系統,避免不必要既應用程式降低手機效能。原生 Android 另一大好處係 Google 出左新版 Android 之後,都唔洗好似其他機咁等到頸都長,可以快人一步得到更新。

加埋依家最頂級既 Snapdragon 835 處理器以及 4GB RAM,保證部機開幾多 Apps 都識得第一時間俾反應你。為咗睇下原生 Android 喺 NOKIA 8 係咪真係表現咁穩定,小編馬上安裝安兔兔跑分測試。結果得到 175,348 分,用開一線智能手機都知呢個分數相當高,甚至超越 Samsung 旗艦機 Galaxy S8+ 及 iPhone 7 Plus。代表系統 run 得又快又穩包無 hang 機,操作得心應手。

Nokia OZO 360° 空間音效技術

Nokia 8 特別加入 Nokia OZO Audio 技術,拍 4K 超高清影片時做到 360 度收音。技術獨特之處在於設有成 3 個收音 mic,俾用家拍片時可以揀黎用 (前置、後置、360 度環繞)。

簡單黎講即係將荷里活式音頻技術平民化,無論直播或者之後聽返效果都像真好多,臨場感大增,完全迎合人人都係 KOL 世代既潮流。

 

最後開估埋 NOKIA 8 開售價錢,只係$4,088,係咪抵用大家自己識得判斷。唔知呢套全新裝備可以帶挈幾多網友變身網絡紅人呢?

  • Facebook 留言
訊息中心

此項目已被移除。